Кыргыз Республикасынын жарандык авиациясы боюнча мамлекеттик агенттиги Авиация институтунун улуу курс студенттери арасында жаштардын автордук долбоорлорунун сынагын жарыялайт — долбоорлор Кыргыз Республикасынын жарандык авиациясын өнүктүрүүгө, Фрунзе-1 аэродромуна байланыштуу багытталат.

Сынактын темалары

• 1«Кыргызстандын жарандык авиациясын өнүктүрүү стратегиясы»;
• 2«Мен кандайча Кыргызстандын жарандык авиациясынын келечегин көрөм»;
• 3«Учуу коопсуздугу»;
• 4«Авиациялык коопсуздук»;
• 5«Кыргыз Республикасындагы чакан авиациянын өнүгүшү»;
• 6«Чет өлкөлөрдөгү аба кемелеринин техникалык эксплуатациясы»;

Катышуу жана формат

Сынакка катышуу үчүн катышуучулар бир же бир нече долбоорду сунушташы мүмкүн.

Сынакта ар кандай форматтагы материалдар (тексттик же графикалык иштер — сүрөттөр ж.б.) сунушталат. Долбоорду презентация түрүндө даярдоо керек (презентация долбоордун мазмунун чагылдыруусу керек, эң көп 15 слайд).

Жыйынтыктары жана жумушка орношуруу

Эң көп балл алган иштердин авторлору, баалоо жыйынтыгына ылайык, Кыргыз Республикасынын жарандык авиациясы мамлекеттик агенттигине, Кыргыз авиациялык институтуна жана авиакомпанияларга ишке орношууга сунушталат.