2025-жылдын 11-апрелинде Ишембай Абдраимов атындагы Кыргыз авиациялык институтунда Эл аралык авиация жана космонавтика күнүнө карата Ачык эшиктер күнү өткөрүлдү.
Иш-чарага болочок абитуриенттер, орто мектептердин окуучулары жана Бишкек шаарынан эле эмес, өлкөнүн бардык аймактарынан келген коноктор катышты.
Институттун чоң жыйындар залында студенттер тарабынан даярдалган концерттик программа коноктордун назарына сунушталды. Ошондой эле институттун музейлерине, лабораторияларына, окуу аудиторияларына жана окуу полигонуна экскурсиялар уюштурулду.
Конокторго институттун жетекчилиги жана "Гармония" Орус маданий борборунун вице-президенти Семён Поляков куттуктоо сөздөрү менен кайрылышты. Институттун окутуучулары жана адистери конокторго кеңири маалымат берип, кызыктырган бардык суроолорго жооп беришти. Мындан тышкары, иш-чаранын алкагында Космонавтика күнүнө арналган көргөзмө да уюштурулду.
