Кыргызстан жана Өзбекстан: кызматташтык жана түбөлүк достук

cover image

Билим берүү жана гуманитардык чөйрөлөрдөгү кызматташтыкты тереңдетүүгө багытталган иш-чараларды ишке ашыруунун алкагында, Кыргыз Республикасындагы Өзбекстандын Элчилигинин колдоосу менен 2024-жылдын 6-декабрында Өзбекстандын Конституция күнүнө арналган өзбек-кыргыз достук тегерек столу өткөрүлдү.

 

Иш-чарага Кыргыз Республикасындагы Өзбекстандын Өзгөчө жана Толук ыйгарым укуктуу элчиси – Ниязходжаев Саидикрам Пархатович, Кыргыз Республикасынын Өзгөчө жана Толук ыйгарым укуктуу элчиси, Кыргыз-Өзбек эл аралык университетинин Камкорчулар кеңешинин мүчөсү – Сыдыков Данияр Батырович, коомдук-маданий уюмдардын өкүлдөрү, эксперттер жана саясий серепчилер катышты.