Кыргызстандын транспорт прокурорунун орун басары А.К. Осмоналиев жана прокурордун жардамчысы А.Р. Кожоев атындагы И. Абдраимоватындагы Кыргыз авиациялык институтунун студенттери үчүн «Жаштар арасындагы кылмыштуулуктун алдын алуу, баңгичиликтен алыс болуу» деген темада семинар өткөрдү.
Семинардын жүрүшүндө балдар жана өспүрүмдөр арасындагы кылмыштуулуктун алдын алуу боюнча актуалдуу маселелер, ошондой эле баңгилик көйгөйү жана анын жаштарга тийгизген зыяны талкууланды.
Прокуратуранын өкүлдөрү студенттерге укук бузуулардын түрлөрү, аларды жасагандыгы үчүн жоопкерчилик, ошондой эле баңгичиликке каршы күрөшүү боюнча мамлекет тарабынан көрүлүп жаткан чаралар тууралуу кеңири айтып беришти.
Өзгөчө көңүл баңги заттарды мыйзамсыз жүгүртүү үчүн жоопкерчиликке, ошондой эле баңги заттарды колдонуунун адамдын ден соолугуна жана өмүрүнө тийгизген кесепеттерине байланыштуу укуктук нормаларды түшүндүрүүгө бурулду. Окуучуларга жаштар арасында баңгичиликтин таралышы жана бул терс көрүнүшкө каршы көрүлүп жаткан чаралар тууралуу статистикалык маалыматтар берилди.
Семинардын алкагында интерактивдүү сабактар өткөрүлдү, анын жүрүшүндө студенттер өздөрүн кызыктырган суроолорду берип, прокуратуранын өкүлдөрүнөн квалификациялуу жоопторду ала алышты. Жолугушуу ачык диалог форматында өтүп, студенттерге актуалдуу маселелерди талкуулоого активдүү катышууга мүмкүнчүлүк түзүлдү.
Мындай семинарларды өткөрүү жаштардын укуктук сабаттуулугун жогорулатууга, алардын активдүү атуулдук көз карашын калыптандырууга, жасаган иштери үчүн жоопкерчиликтүү болууга жардам берет.
