Кыргыз авиациялык институтунда мектеп бүтүрүүчүлөрүнүн арасында профориентациялык иштер активдүү улантылууда. Абитуриенттерди билим алуу мүмкүнчүлүктөрү жана келечектеги кесип тандоо боюнча маалымат менен камсыз кылуу максатында институттун окутуучулары Кыргызстандын аймактарына кызматтык иш сапарларга жөнөтүлдү.

Бул сапарлардын алкагында мектеп окуучулары менен жолугушуулар, институттун билим берүү программаларын тааныштыруу, ошондой эле кабыл алуу шарттары жана окуу мүмкүнчүлүктөрү боюнча кеңештер өткөрүлүүдө. Анда бүтүрүүчүлөрдүн жумушка орношуу мүмкүнчүлүктөрүн жана авиация тармагындагы адистиктердин эмгек рыногундагы актуалдуулугун түшүндүрүүгө өзгөчө көңүл бурулууда.

Профориентациялык иш-чаралар келечектеги абитуриенттердин маалыматтуулугун жогорулатууга жана кесипти аң-сезимдүү тандоого багытталган. Мындай иш-чаралар жигер жаштарды тартууга жана Кыргызстанда авиациялык билим берүүнү өнүктүрүүгө өбөлгө түзөт.