2025-жылдын 10–11-мартында И. Абдраимов атындагы Кыргыз авиациялык институтунун студенттери, Түркмөнстандын Мамлекеттик энергетика институту тарабынан, Түркмөнстандын Билим берүү жана Энергетика министрликтеринин колдоосу менен уюштурулган, Теориялык механика боюнча өткөн IV Эл аралык интернет-олимпиадага катышып, өз окуу жайын татыктуу деңгээлде тааныштырды.
Институттун командасы командалык эсепте II даражадагы диплом менен сыйланып, студенттердин жогорку деңгээлдеги даярдыгын жана биргелешкен аракетин далилдеди.
Жеке сынакта Арзуу Бостонбаева теориялык механика боюнча терең билимдерин жана аналитикалык ой жүгүртүүсүн көрсөтүп, III даражадагы дипломго ээ болду.
Жарандык авиация факультетинин 2-курсунун студенттери - Улугбек Мухтаров, Арзуу Бостонбаева жана Омурбек Керимкулов - жогорку теориялык даярдыкты жана кесиптик өсүүгө болгон умтулууларын көрсөтүшүп, катышуучулардын сертификаттарына ээ болушту.
Студенттерди жана окутуучуларды эл аралык аренадагы татыктуу жетишкендиктери менен куттуктайбыз!
