2025-жылдын 25-апрелинде И.Абдраимов атындагы Кыргыз авиациялык институтунда. магистрдик программалардын биринчи бүтүрүүчүлөрүнө дипломдорун тапшыруу аземи болуп өттү.Магистрдик программалар дисциплиналарды терең изилдөө, жогорку деңгээлдеги кесиптик компетенттүүлүккө ээ авиация адистерин даярдоо жана актуалдуу маселелерди чечүүгө илимий мамиле жасоо максатында түзүлгөн. Бир нече жыл ичинде студенттер өз тармактары боюнча акыркы билимдерди өздөштүрүп, эң жогорку деңгээлдеги кесиптик даярдыктарын далилдешти.

Институттун жетекчилиги биринчи магистрлерди бүтүрүү студенттердин жеке жетишкендиги гана эмес, институт үчүн да маанилүү кадам экендигин баса белгилеп, алардын жетишкендиктерин таануу жана сыймыктануу менен студенттерди окуусун аяктагандыгы менен куттуктады.

Куттуктоо жана колдоо сөздөрүнө жооп кылып, бүтүрүүчүлөр окутуучуларына жана институтка алган билимдери жана жөндөмдөрү үчүн ыраазычылык билдиришти.